ទិន្ន័យគេហទំព័រ
ចំនួនអ្នកបានទស្សនាសរុប
ចំនួនដងនៃការបើកមើល
ចំនួនអ្នកគាំទ្រគេហទំព័រ
អំពីគម្រោង CJEK
ស្រាវជ្រាវបន្ថែម
ខ្លឹមសារសង្ខេបអំពីសេវា និងគ្រូបណ្តុះបណ្តាល
កម្មវិធីសិក្សា សេកូ មានគម្រោង ៣ គឺសេវាប្រឹក្សាយោបល់ និងសវនកម្ម, សេវាបណ្តុះបណ្តាល និងបង្វឹកការងារ, និង CJEK ដោយប្រើប្រាស់សកម្មភាពទាំង ៥ (ប្រឹក្សាយោបល់ សម្របសម្រួល បង្វឹក បណ្តុះបណ្តាល និងចែករំលែក) ដើម្បីផ្តោតលើប្រធានបទ៖ ជំនាញរៀបចំផែនការយុទ្ធសាស្រ្ត, ជំនាញគ្រប់គ្រងរដ្ឋបាល និងធនធានមនុស្ស, ជំនាញគ្រប់គ្រងគណនេយ្យ និងហិរញ្ញវត្ថុ, KNSN, បុគ្គលិកខាងក្រៅ, ជំនាញគណនេយ្យ, ជំនាញរដ្ឋបាល និងធនធានមនុស្ស, ជំនាញទន់ JBSS, ជំនាញភាសា និងកុំព្យូទ័រ។ យើងមានគ្រូបណ្តុះបណ្តាលប្រចាំការម្នាក់ (លោក សៀង ប៊ូហឿង) និងគ្រូក្រៅម៉ោងជាច្រើននាក់។
លោក សៀង ប៊ូហឿង កើតថ្ងៃ ០១ មិថុនា ១៩៨៤ ខេត្តបាត់ដំបង។ នៅឆ្នាំ ២០០១ គាត់បានជាប់បាក់ឌុប នៅវិទ្យាល័យសម្តេចឪ ខេត្តបន្ទាយមានជ័យ ហើយគាត់ក៏បានជាប់ជាសិស្សពូកែផ្នែករូបវិទ្យាប្រចាំខេត្តផងដែរ។ បន្ទាប់មក គាត់បានប្រលងជាប់អាហារូបករណ៍ បន្តការសិក្សានៅរាជធានីភ្នំពេញ។ នៅឆ្នាំ ២០០៦ គាត់ទទួលបានបរិញ្ញាបត្រផ្នែកគ្រប់គ្រងពាណិជ្ជកម្ម ជំនាញគ្រប់គ្រង នៅសាកលវិទ្យាល័យជាតិគ្រប់គ្រង ហើយបន្ទាប់មកទៀត នៅឆ្នាំ ២០១១ គាត់ទទួលបានអនុបណ្ឌិតផ្នែកគ្រប់គ្រងពាណិជ្ជកម្ម ជំនាញគ្រប់គ្រង នៅសាកលវិទ្យាល័យអន្តរជាតិភ្នំពេញ។
គិតត្រឹមឆ្នាំ ២០២១ គាត់ធ្លាប់ធ្វើការអស់រយៈពេលប្រហែល ១៨ ឆ្នាំ ក្នុងវិស័យឯកជន អង្គការក្រៅរដ្ឋាភិបាល និងស្ថាប័នរដ្ឋ។ ចាប់តាំងពីឆ្នាំ ២០០៨ គិតទៅប្រមាណជា ១៣ ឆ្នាំ ដែលគាត់បានធ្វើការក្នុងកម្រិតជាអ្នកគ្រប់គ្រងគេ។ បច្ចុប្បន្នគាត់កំពុងធ្វើការជាគ្រូបណ្តុះបណ្តាលក្រៅម៉ោងផ្នែកគណនេយ្យ គ្រប់គ្រងធនធានមនុស្ស និងជាទីប្រឹក្សាឯករាជ្យផ្នែកយុទ្ធសាស្ត្រ រួមទាំងការងារស្ម័គ្រចិត្តផ្នែកសង្គម និងការសិក្សាស្រាវជ្រាវអំពីការអប់រំនិងបរិយាកាសការងារជាក់ស្តែងក្នុងប្រទេសកម្ពុជា។ គាត់ក៏កំពុងធ្វើអាជីវកម្មតាមអនឡាញលក់ប្រទាល ដើមឈើ និងកសិផលផ្សេងៗផងដែរ។
គាត់ធ្លាប់បានទៅចូលរួមកម្មវិធីមួយចំនួននៅឯបរទេស ដែលក្នុងនោះគាត់ទទួលបានវិញ្ញាបនប័ត្រមួយចំនួនដូចជា៖ Certificate of Participating the Staff Training Camp Session នៅប្រទេសវៀតណាម ឆ្នាំ 2010, Certificate of Participating the Global Partnership Initiative Network Meeting នៅអាហ្វ្រិកខាងត្បូង ឆ្នាំ 2010, Certificate of Participating the APAME នៅប្រទេសម៉ាឡេស៊ី ឆ្នាំ 2012, និងធ្លាប់ទៅចូលរួមទស្សនាកម្មវិធីប្រកួតប្រជែង យូស៊ីម៉ាស់ ថ្នាក់អន្តរជាតិ នៅប្រទេសម៉ាឡេស៊ី ឆ្នាំ 2017 ផងដែរ ។
