ចំនួនអ្នកបានទស្សនាសរុប
ចំនួនដងនៃការបើកមើល
ចំនួនអ្នកគាំទ្រគេហទំព័រ
ការសម្របសម្រួល គឺជាការណែនាំឬជំរុញការគិតរបស់អ្នកចូលរួម ឱ្យធ្វើការគិតប្រកបដោយគុណភាព ក្នុងការពិភាក្សាជាក្រុម ការឆ្លុះបញ្ចាំងទិដ្ឋភាពជាក់ស្តែង និងការវិភាគ ព្រមទាំងការហ៊ានបញ្ចេញមតិយោបល់ផ្ទាល់ខ្លួន ដើម្បីចូលរួមបង្កើតលទ្ធផលជាក់លាក់ដែលពួកគេចង់បាន (លទ្ធផលរយៈពេលខ្លី វែង ឬយូរអង្វែង) ហើយបន្ទាប់មកណែនាំពួកគេអំពីអ្វីដែលត្រូវធ្វើ (សកម្មភាពនិងធនធាន) ដើម្បីទទួលបានអ្វីដែលពួកគេចង់បាន (លទ្ធផលរយៈពេលខ្លី វែង ឬយូរអង្វែង)។ ម្យ៉ាងវិញទៀត យើងក៏អាចនិយាយបានដែរថា ការសម្របសម្រួល គឺសំដៅទៅលើសកម្មភាពណាមួយ ដែលជួយអ្នកចូលរួម ឱ្យធ្វើអ្វីមួយកាន់តែងាយស្រួល ក្នុងការស្វែងរកវិធីដែលអាចធ្វើទៅបានតាមរយៈការពិភាក្សា និងការផ្តល់យោបល់។
អ្នកសម្របសម្រួលដ៏ពូកែ មិនមែនជាអ្នកដែលតែងតែផ្តល់នូវទិសដៅឬការចង្អុលបង្ហាញនោះទេ ប៉ុន្តែជាអ្នកដែលពូកែអនុវត្តដំណើរការសម្របសម្រួល រួមទាំងការសិក្សាស្រាវជ្រាវ ការស្តាប់គំនិតនិងស្វែងយល់ពីអារម្មណ៍របស់មនុស្ស ការសួរដ៏ពិនប្រសព្វ ការលើកទឹកចិត្ត និងជំរុញការគិតរបស់មនុស្ស រួមទាំងការណែនាំក្នុងការវិភាគស្វែងរកជម្រើសឬដំណោះស្រាយផ្សេងៗ។
យើងអាចផ្តល់ជូននូវសេវាសម្របសម្រួល សម្រាប់មុខវិជ្ជាឬកម្មវត្ថុដូចខាងក្រោម៖
មុខវិជ្ជាឬកម្មវត្ថុដែលត្រូវសម្របសម្រួល គឺស្ទើរតែដូចគ្នាទាំងស្រុងទៅនឹងមុខវិជ្ជាឬកម្មវត្ថុដែលត្រូវប្រឹក្សាយោបល់ ប៉ុន្តែប្រើវិធីសាស្រ្តផ្សេងគ្នា។ ទោះបីយ៉ាងណា ដើម្បីឱ្យប្រាកដថាយើងអាចផ្តល់សេវាសម្របសម្រួលតាមតម្រូវការរបស់អ្នក សូមទាក់ទងមកយើងខ្ញុំសម្រាប់ព័ត៌មានលម្អិត។